Құқықтық құжаттар
09.10.2026 жылғы редакция · Жарияланған сәттен бастап күшіне енеді · Алдыңғы редакциялар: 27.05.2026 · На русском языке
«ANGRY MYSYQ» жеке кәсіпкері, ЖСН 940429351469, Останин Владимир Олегович (бұдан әрі — «Орындаушы»), кез келген тұлғаға (бұдан әрі — «Тапсырыс беруші») төменде баяндалған шарттармен ақылы қызмет көрсету шартын жасасуды ұсынады.
Осы құжат Қазақстан Республикасы Азаматтық кодексінің 395 және 396-баптарына сәйкес жария оферта болып табылады.
2.1. Осы офертаның акцепті ретінде мына әрекеттердің кез келгені танылады:
2.2. Акцепт сәтінен бастап шарт акцепт сәтінде қолданыста болған оферта редакциясының шарттарымен жасалған болып саналады. Шарттың жазбаша нысаны сақталған болып саналады.
2.3. Акцепт кезінде Орындаушы Telegram пайдаланушысының идентификаторын, акцепттің күні мен уақытын, оферта редакциясын және акцепт тәсілін автоматты түрде тіркейді. Бұл деректер шарттың жасалғанын жеткілікті түрде растайды.
2.4. Ұйымның атынан акцепт жасайтын тұлға бұған өкілеттігі бар екенін растайды.
3.1. Орындаушы Тапсырыс берушіге таңдалған Тариф пен №1 Қосымша көлемінде Сервиске қолжетімділік беру бойынша қызмет көрсетеді, ал Тапсырыс беруші осы қызметтерге ақы төлейді.
3.2. Қызметтер төленген кезең ішінде көрсетіледі, оның ұзақтығы Тарифпен айқындалады.
3.3. Орындаушы №1 Қосымшада көрсетілген негізгі функциялар сақталған жағдайда Сервистің функцияларын өзгертуге, қосуға және өшіруге құқылы: тауарды қабылдау, түгендеу, жөнелту және есеп жүйесімен деректер алмасу. Жекелеген функциялар олардың жұмысы бойынша міндеттемесіз сынақ режимінде берілуі мүмкін.
4.1. Демо-қолжетімділік оны беру кезінде көрсетілген мерзімге тегін беріледі. Орындаушы мерзімді өзгертуге немесе Демо-қолжетімділікті себебін түсіндірмей кез келген уақытта тоқтатуға құқылы.
4.2. Демонстрациялық базалар ортақ: оларды басқа пайдаланушылар көреді және өзгертеді, ондағы деректер мезгіл-мезгіл жойылады. Демо-қолжетімділікке Орындаушының қолжетімділік және қолдау жөніндегі міндеттемелері (6-бөлім) қолданылмайды.
4.3. Тапсырыс берушіге демонстрациялық базаларға нақты коммерциялық мәліметтер мен дербес деректерді жүктеуге тыйым салынады. Егер мұндай деректер жүктелсе, Орындаушы олардың сақталуы мен құпиялылығы үшін жауап бермейді.
4.4. Демо-қолжетімділік алу қызметтерге ақы төлеу міндетін туғызбайды. 8 және 9-бөлімдердің шектеулері (құпиялылық, Сервиске құқықтар) акцепт сәтінен бастап, оның ішінде Демо-қолжетімділік кезінде де қолданылады.
5.1. Қызметтерге ақы төлеу міндеті тек Жұмыс қосылымынан және Сынақ кезеңі аяқталғаннан кейін туындайды.
5.2. Қызметтердің құны шот жазылған күні қолданыста болған Тарифтермен айқындалады. Төленіп қойған кезеңнің құны өзгермейді. Тарифтердің өзгеруі туралы Орындаушы Тапсырыс берушіні кемінде 15 (он бес) күнтізбелік күн бұрын хабардар етеді.
5.3. ҚҚС Орындаушы қызмет көрсету күні ҚҚС төлеушісі болып табылған жағдайда есептеледі.
5.4. Сынақ кезеңі тегін беріледі. Сынақ кезеңі ішінде қызметтерден бас тартқан жағдайда Тапсырыс беруші қаржылық міндеттемелер көтермейді.
5.5. Шот Сынақ кезеңі аяқталғаннан кейін, содан соң Тариф бойынша әрбір келесі кезеңге Тапсырыс беруші Орындаушыға хабарлаған деректемелерге жазылады. Тапсырыс беруші шотты жазылған сәттен бастап 5 (бес) жұмыс күні ішінде төлейді.
5.6. Қызметтер есептік кезең аяқталғанда көрсетілген болып саналады. Көрсетілген қызметтер актісін Орындаушы кезең аяқталғаннан кейін 5 (бес) жұмыс күні ішінде электрондық түрде жібереді. Егер актіні алған сәттен бастап 5 (бес) жұмыс күні ішінде Тапсырыс беруші дәлелді қарсылық жібермесе, қызметтер толық көлемде қабылданған болып саналады.
6.1. Сервистің қолжетімділігі үшін ақылға қонымды шаралар қабылдау және жоспарлы жұмыстар туралы Тапсырыс берушіні кемінде 24 сағат бұрын хабардар ету.
6.2. Онбордингті жүргізу. Болжамды мерзім №1 Қосымшада көрсетілген; ол Тапсырыс беруші мен оның мердігерлері тарапындағы кідірістер уақытына ұзартылады.
6.3. Жұмыс уақытында (Дс–Жм, Астана уақытымен 09:00–18:00) Telegram арқылы техникалық қолдау көрсету. Орындаушы жұмыс күні ішінде жауап беруге тырысады; бұл мерзім болжамды және міндеттеме болып табылмайды.
6.4. Тапсырыс берушінің мәліметтерінің құпиялылығын сақтау (8-бөлім).
7.1. Тапсырыс беруші:
7.2. Тапсырыс беруші қосқан немесе оған берілген Токен бойынша қосылған Telegram-аккаунттар мен есептік жазбалар Тапсырыс берушінің аккаунттары болып табылады. Олар арқылы жасалған барлық әрекеттер Тапсырыс берушінің әрекеттері болып саналады. Тапсырыс беруші Токендердің сақталуына жауап береді, жұмыстан босатылған қызметкерлерді уақтылы ажыратады және Токеннің құпиясы ашылғаны туралы Орындаушыға дереу хабарлайды; мұндай хабарламаға дейін тәуекелді Тапсырыс беруші көтереді.
7.3. Тапсырыс берушінің есеп жүйесінде Сервис арқылы жасалған немесе өткізілген құжаттар Тапсырыс беруші жасаған болып саналады. Тапсырыс беруші оларды есепте және есептілікте пайдаланар алдында тексереді.
7.4. Кеңейтімді орнатар алдында және оны әр жаңартар алдында Тапсырыс беруші ақпараттық базаның сақтық көшірмесін жасайды. Орындаушы сақтық көшірмеден қалпына келтіру арқылы жоюға болатын салдарлар үшін жауап бермейді.
7.5. Тапсырыс беруші қызмет көрсету барысы туралы мәліметтер алуға және 12-бөлімде белгіленген тәртіппен шарттан бас тартуға құқылы.
8.1. Тараптар шартты орындау кезінде алынған құпия мәліметтерді екінші Тараптың жазбаша келісімінсіз жария етпейді.
8.2. Сервистің жұмысы үшін Орындаушы мыналарды сақтайды: пайдаланушылардың деректері (аты, телефон нөмірі, Telegram идентификаторы); есеп жүйесінен алынған анықтамалықтар мен номенклатура, баға және қалдық каталогының көшірмесі; Сервис арқылы жасалған құжаттар мен операциялар; есеп жүйесімен алмасу журналдары және техникалық журналдар.
8.3. Шарт тоқтатылғаннан кейін 30 (отыз) күн ішінде Тапсырыс беруші Орындаушыда сақталған өз деректерін түсіріп беруді сұратуға құқылы. Осы мерзім өткеннен кейін Орындаушы оларды жояды, заңнама және есеп айырысуды есепке алу талап ететін деректерді қоспағанда. Сақтық көшірмелерден деректер олар жоспарлы түрде ауыстырылған сайын жойылады. Есептің негізгі деректері Тапсырыс берушінің есеп жүйесінде сақталады.
8.4. Акцепт жасай отырып, Тапсырыс беруші Құпиялылық саясатына және Қазақстан Республикасының «Дербес деректер және оларды қорғау туралы» Заңына сәйкес шартты орындау мақсатында дербес деректерді (аты, телефон нөмірі, Telegram идентификаторы) өңдеуге келісім береді.
9.1. Сервиске, оның ішінде Кеңейтімге, мобильді және веб-қосымшаға, Telegram-ботқа, олардың бастапқы кодына, алгоритмдеріне, құрылымы мен құжаттамасына айрықша құқықтар Орындаушыға тиесілі. Шарт бұл құқықтарды Тапсырыс берушіге бермейді.
9.2. Шарттың мерзіміне Тапсырыс беруші Кеңейтімді тек Орындаушы қосқан ақпараттық базаларда және тек өз қажеттіліктері үшін пайдалануға айрықша емес, берілмейтін құқық алады.
9.3. Тапсырыс берушінің:
9.4. Өз есеп жүйесін сүйемелдеуге бөгде мамандарды Тапсырыс беруші Орындаушыны алдын ала жазбаша хабардар ете отырып тартады. Мұндай тұлғалар Кеңейтімге құқық алмайды және 9-бөлімнің шектеулерін сақтауға міндетті.
9.5. Кеңейтімнің коды — Орындаушының құпия ақпараты. Оны жария етпеу міндеті шарт тоқтатылғаннан кейін 3 (үш) жыл бойы қолданылады.
9.6. Кеңейтім 9-бөлімді бұза отырып пайдаланылған әрбір ақпараттық база үшін Тапсырыс беруші Орындаушыға Тапсырыс беруші Тарифінің, ал Тариф таңдалмаса — Business тарифінің үш еселенген жылдық құны мөлшерінде айыппұл төлейді. Айыппұл төлеу залалды өтеуден босатпайды.
10.1. Шартты орындамағаны немесе тиісінше орындамағаны үшін Тараптар Қазақстан Республикасының заңнамасы бойынша жауап береді.
10.2. Төлемді кешіктіргені үшін Тапсырыс беруші кешіктірілген әрбір күн үшін төленбеген соманың 0,1% мөлшерінде, бірақ төленбеген соманың 10%-ынан аспайтын тұрақсыздық айыбын төлейді.
10.3. Орындаушының жиынтық жауапкершілігі Тапсырыс беруші тиісті есептік кезең үшін іс жүзінде төлеген сомамен шектеледі.
10.4. Орындаушы Тапсырыс берушінің тиісті емес деректерінен немесе үшінші тұлғалардың әрекеттерінен туындаған залалдар үшін жауап бермейді.
10.5. Сервис үшінші тұлғалардың сервистерін пайдалана отырып жұмыс істейді: Telegram, хостинг-провайдерлер, қосымшалар дүкендері, кескіндерді тану сервистері, сондай-ақ 1С:Кәсіпорын және МойСклад есеп жүйелері. Орындаушы мұндай сервистерді Тапсырыс берушінің келісімінсіз тартуға және ауыстыруға құқылы және олардың жұмысы, шарттарының өзгеруі және жұмысының тоқтатылуы үшін жауап бермейді.
10.6. Тараптар еңсерілмейтін күш мән-жайларынан туындаған міндеттемелерді орындамағаны үшін жауапкершіліктен босатылады, оның ішінде: мемлекеттік органдардың актілері; Telegram, қосымшалар дүкендері, төлем және бұлттық сервистер жұмысының бұғатталуы немесе шектелуі; желілік шабуылдар (DDoS); байланыс пен электрмен жабдықтаудың жаппай іркілістері; хостинг-провайдердегі іркілістер. Мұндай мән-жайлар туындаған Тарап екінші Тарапты 5 (бес) жұмыс күні ішінде хабардар етеді.
Даулар келіссөздер арқылы, ал мүмкін болмаған жағдайда — Қазақстан Республикасының заңнамасына сәйкес сотта шешіледі.
12.1. Шарт акцепт сәтінен бастап осы бөлімнің негіздері бойынша тоқтатылғанға дейін қолданылады.
12.2. Қызмет көрсетудің әрбір келесі кезеңі осы кезеңге шотты төлеуден басталады. Егер шот 5 (бес) жұмыс күні ішінде төленбесе, Сервиске қолжетімділік тоқтатыла тұрады; егер тоқтатыла тұрғаннан кейін 30 (отыз) күн ішінде төлем түспесе, шарт тоқтатылады.
12.3. Орындаушы Сервис қауіпсіздігіне қатер төнген, 9-бөлім немесе қолжетімділікті беру туралы 7.1-тармақ бұзылған кезде, мемлекеттік органның талабы бойынша, сондай-ақ 12.2-тармақта көзделген жағдайда Сервиске қолжетімділікті алдын ала хабарламай толық немесе ішінара тоқтата тұруға құқылы. Тоқтата тұру Тапсырыс берушіні төлемнен босатпайды және Орындаушының шартты бұзуы болып табылмайды.
12.4. Тапсырыс беруші Орындаушыны кемінде 30 (отыз) күн бұрын жазбаша түрде (оның ішінде электрондық пошта немесе Telegram арқылы) хабардар ете отырып, шарттан бас тартуға құқылы. Сынақ кезеңінен кейін төленген қаражат қайтарылмайды.
12.5. Орындаушы Тапсырыс берушіні жазбаша хабардар ете отырып, шарттан бас тартуға құқылы:
12.6. Шарт тоқтатылғаннан кейін 10 (он) жұмыс күні ішінде Тапсырыс беруші Кеңейтімді барлық ақпараттық базалардан жояды және жойылғанын жазбаша растайды. Орындаушы Кеңейтімді өз бетінше ажыратуға құқылы.
13.1. Орындаушы жаңа редакцияны yeswescan.kz/terms бетінде күнін көрсете отырып жариялау арқылы офертаны өзгертуге құқылы. Алдыңғы редакциялар тұрақты сілтемелер бойынша қолжетімді болып қалады.
13.2. Жаңа редакция туралы Орындаушы Тапсырыс берушіні Telegram-ботта немесе электрондық пошта арқылы хабардар етеді. Егер Тапсырыс беруші Сервисті пайдалануды жалғастырса, жаңа редакция хабарламадан кейін 15 (он бес) күнтізбелік күн өткен соң Тапсырыс берушіге қолданылады. Жаңа редакциямен келіспейтін Тапсырыс беруші осы мерзім ішінде төленген кезеңнің пайдаланылмаған бөлігінің құнын қайтара отырып, шарттан бас тартуға құқылы. Төленген кезеңнің құны өзгермейді.
14.1. Telegram арқылы немесе Тараптар көрсеткен мекенжайлардан электрондық пошта арқылы жіберілген хабарламалар жазбаша хабарламаларға теңестіріледі.
14.2. Офертаның ажырамас бөлігі — «Қызметтер құрамы және техникалық шарттар» №1 Қосымша.
14.3. Оферта Қазақстан Республикасының заңнамасымен реттеледі.
14.4. Оферта қазақ және орыс тілдерінде жасалған. Екі тілдегі мәтіндер тең күшті.
Қызметтер көлемі (белсенді пайдаланушылар саны және өзге лимиттер) таңдалған Тарифпен айқындалады. Барлық Тарифтерге мыналар кіреді:
Онбординг (Тапсырыс беруші қызметкерлерін бастапқы баптау және оқыту) құнына кіреді. Болжамды мерзімі — Тапсырыс берушіден қосылуға қажетті барлық деректер мен қолжетімділікті алған сәттен бастап 1-ден 5 жұмыс күніне дейін.
3.1. Сервис — Тапсырыс берушінің есеп жүйелерімен (1С:Кәсіпорын, МойСклад және басқалары) өзара әрекеттесу құралы. Орындаушы бұл жүйелердің әзірлеушісі, жеткізушісі немесе сүйемелдеуші ұйымы болып табылмайды.
3.2. Орындаушы мыналар үшін жауап бермейді:
3.3. Есеп жүйесінде проблемалар туындаған кезде Орындаушы диагностикаға көмектеседі; ақауды Тапсырыс беруші немесе ол уәкілеттік берген маман жояды.